زانیاریی نوێ لەبارەی هەوڵی تیرۆرکردنی ترەمپ بڵاودەکرێتەوە

ئاڤا نیوز 

 

ئێف بی ئای زانیاریی نوێ لەبارەی ئەو کەسە بڵاودەکاتەوە کە هەوڵی تیرۆرکردنی ترەمپیدا، ئاماژە بەوە دەکات ئەو کەسە تەنیا خۆی تاوانەکەی کردووە و کەسی دیکە هاوکاری نەکردووە.

 

چیرۆکی سەرەکی: لە 13-7-2024 تۆماس ماتیو کروکس لە کۆبوونەوەی جەماوەری بانگەشەی هەڵبژاردن لە شاری باتلەری پێنسلڤانیا، لە دوورەوە تەقەی  لە ترەمپ  کرد و بەسووکی گوێچکەی برینداربوو.

 

ڕاگەیێنراوی فەرمی: دەزگای هەواڵگریی فیدراڵی ئەمریکا ڕایگەیاند، ئەو هاووڵاتیەی بەمەبەست هەوڵی کوشتنی ترەمپی داوە بە تەنیا ئەو کارەی کردووە، هیچ کەسێکی دیکە لە دەرەوە هاوکاری نەکردووە.

 

هۆکارە زانراوەکان: دەسەڵاتدارانی ئێف بی ئای لەوبارەیە دەڵێن: تۆماس کروکسی تەمەن 20 ساڵ، کێشەی تێکەڵبوونی بیروباوەڕی هەبووە.

 

زانیاریی زیاتر: کرۆکس لە مانگی 12 ساڵی 2023وە بە دوای ترەمپەوەیە و زانیاری لەبارەیەوە کۆدەکاتەوە.