بەهۆی تەقینەوەی بۆمبێکی داعش چوار ئەندامی خێزانێک گیانیان لەدەست دا

ئاڤا نیوز

 

لە گوندێکی سنووری پارێزگای نەینەوا بۆمبێک بە ژمارەیەک ئەندامی خێزانێکدا دەتەقێتەوە و چوار هاووڵاتی گیان لەدەست دەدەن و دوو کەسی دیکە بریندار دەبن.

 

وێنە گەرەکە: دوای هاتنی داعش بۆ نەینەوا و داگیرکردنی لە ساڵی 2014، بە هەزاران بۆمبی چێنراویان لە سنوورەکە دانا بۆ ئەوەی سوپای عێراق و پێشمەرگە بکەنە ئامانج، تاوەکو ئێستاش ناوە ناوە یەکێک لەو بۆمبانە بە هاووڵاتییەکدا دەتەقێتەوە و دەبنە قوربانی. 

 

چیرۆکی سەرەکی: دوا نیوەڕۆی ئەمڕۆ 01-09-2024 لە گوندێکی سنووری قەزای بەعاج لە نەینەوا بۆمبێکی چێنراو، کە پاشماوەی ڕێکخراوی داعش بووە و بەجێماوە بە خێزانێکی ناوچەکەدا دەتەقێتەوە، چوار هاووڵاتی کە ئەندامی یەک خێزانن گیان لەدەست دەدەن.

 

لێدوانی فەرمی: محەممەد جاسم، ئەندامی لیژنەی ئاسایش و بەگری لە ئەنجوومەنی پارێزگای نەینەوا بە ئاڤا نیوزی گوت، "ئەو خێزانە بەڕەگەز عەرەبن و تەرمی چوار کەسەکە گواستراوەتەوە پزیشکی دادی موسڵ."

 

باگراوند: قەزای بەعاج لە پارێزگای نەینەوایە و زۆرینەی دانیشتوانەکانی عەرەبی سوننەن، ساڵی 2017 لەلایەن سوپای لە دەستی داعش ئازاد کراوە.