ئەمریکا: نامانەوێت ئیسرائیل هێرشی بێپلان بكاتە سەر ڕەفەح

ئاڤا نیوز

 

جەیک سولیڤان، ڕاوێژکاری ئاسایشی نیشتمانیی ئەمریکا ڕایگەیاند، وڵاتەکەی نایەوێت ئیسرائیل بەبێ پلانێکی "باوەڕپێکراو و جێبەجێکراو" هێرش بکاتە سەر ناوچەی ڕەفەح لە باشووری کەرتی غەززە.

 

وێنە گەورەكە: وێڕای هێرشی پچڕپچڕ و بۆردوومانی بەردەوام، ئیسرائیل  پلانی داناوە هێرشی فراوان بکاتە سەر ناوچەی ڕەفەح لە باشووری کەرتی غەززە، وڵاتانی جیهانیش هۆشداری دەدەن کارەساتی مرۆیی دەخولقیت.

 

لێدوانی فەرمی: جەیک سولیڤان، ڕاوێژکاری ئاسایشی نیشتمانیی ئەمریكا: بەرپرسانی ئەمریکا گفتوگۆیەکی تێروتەسەل لەگەڵ ئیسرائیل سەبارەت بەم بابەتە دەکەن، ئێمە نامانەوێ ئیسرائیل هێرشی بێ پلان بكاتە سەر ئەو ناوچەیە". سولیڤان پشتگیریی وڵاتەکەی بۆ "مافی ئیسرائیل بۆ بەرگریکردن لە خۆی" دووپاتکردەوە.