کونسوڵی بەریتانیا لە هەولێر پیرۆزبایی لە ئەکتەرانی فیلمی کفن دەکات

ئاڤا نیوز

 

ئەمڕۆ ئێوارە ڕێوڕەسمی فەرشی سوور بۆ فیلمی کفن لە ئیمپایەر سینەمای شاری هەولێر بە بەشداری چەندین کەسایەتی نێوخۆیی و بیانی بەڕێوەچوو.

 

وێنە گەورەکە: دوای نۆ ڕۆژی بەردەوام لە نمایشی فیلمی سینەمایی کفن لە سینەماکانی کوردستان و عێراق، ئێوارەی  ئەمڕۆ لەشاری هەولێر دەرهێنەر و پرۆدیوسەر و ئەکتەرانی فیلمەکە بەشدارییان لە بەڕێوەچوونی ڕێوڕەسمی فەرشی سووردا کرد.

 

ئەوەی پێویستە بیزانیت: ئەندرو بیزلی کونسوڵی گشتی بەریتانیا لە هەولێر، کە بەشداری لە ڕێوڕەسمەکەدا کردبوو پیرۆزبایی خۆی ئاراستەی دەرهێنەر و ستافی بەرهەمهێنانی فیلمەکە کرد و هیوای سەرکەوتنی بۆ خواستن.

 

زانیاریی زیاتر: باهۆز نەسرەدین پرۆدیوسەری فیلمی کفن لەبارەی ژمارەی بینەرانی فیلمەکەوە بە ئاڤا نیوزی ڕاگەیاند: لەماوەی نۆ ڕۆژی نمایشی فیلمەکەدا ژمارەی بینەران زیاتر لە 40 هەزاری تێپەڕاندووە.