حەماس لەبارەی بارمتە ئیسرائیلییەکانەوە هەڕەشە دەکات

ئاڤا نیوز

 

باڵی چەکداری حەماس ڕێنمایی نوێ دەداتە پاسەوانی بارمتە ئیسرائیلییەکان، لە ئەگەری نزیکبوونەوەی هێزەکانی ئیسرائیل.

 

وێنە گەورەکە: ئیسرائیل بەردەوامە لە گەڕان بەدوای بارمتەکانی لە غەززە و لە دوایین ئۆپەراسیۆندا، هێزەکانی ئیسرائیل شەش تەرمی بارمتەکانیان لە تونێلێکی غەززەدا دۆزییەوە.

 

لێدوانی فەرمی: ئەبو عوبەیدە، گوتەبێژی باڵی چەکداری حەماس دەڵێت: ئەگەر فشارە سەربازییەکان بەردەوام بێت، بارمتەکان "لەناو تابووتدا" دەگەڕێنەوە بۆ ئیسرائیل، هۆشداریشیدا لەوەی ڕێنمایی نوێ دراوە بەو چەکدارانەی، کە پاسەوانی بارمتەکان دەکەن، ئەگەر سەربازانی ئیسرائیل نزیک ببنەوە.

 

زانیاریی زیاتر: حەماس هەر ڕێکەوتنێک پەسەند دەکات، کە کۆتایی بە شەڕ بێنێت، لەکاتێکدا نەتانیاهۆ دەڵێت: شەڕ کاتێک کۆتایی پێدێت، کە حەماس شکستی هێنابێت.