توركیا: 20 ئامانجی پەكەكەمان لە هەرێمی كوردستان پێكاوە

ئاڤا نیوز

وەزارەتی بەرگریی توركیا ڕایگەیاند، لە ڕێگەی فڕۆكەی جەنگییەوە 20 ئامانجی پەكەكەیان  لەناوچەکانی مەتینا، زاپ، خواکورک، ئاسۆس، قەندیل لە سنووری هەرێمی کوردستان پێکاوە و ژمارەیەك گەریلایان كوشتووە.

وێنە گەورەکە: شەڕی پەكەكە و توركیا زیاتر لە 30 ساڵە بەردەوامە، بەشێكی زۆری پریشكی ئەو شەڕە بەر هەرێمی كوردستان كەوتووە، تورکیا ماوەی شەش ساڵە ناوچەی ئۆپەراسیۆنی پەنجە کلیتی لە سنووری نێوان هەرێمی کوردستان و تورکیا دامەزراندووە.

ڕاگەیێنراوی فەرمی: وەزارەتی بەرگریی تورکیا ڕایگەیاند:"ئەم هێرشانە بۆ پاراستنی سنوورەکانمانە لە "تیرۆر"کە هاوتەریبە لەگەڵ مافەکانی بەرگریکردنمان کە لە مادەی 51ی جاڕنامەی نەتەوە یەکگرتووەکان هاتووە". 

 

زانیاریی زیاتر: "تورکیا باس لە کوشتنی ژمارەیەکی زۆر لە گەریلا دەکات لەو هێرشەدا".

زانیاریی پەیامنێر: هەنگاو محەمەد، پەیامنێری ئاڤا میدیا هەواڵەکەی پشتڕاستکردەوە و دەڵێت: بۆردوومانەکە گوندی ناودەشتە لەبناری قەندیلی گرتووەتەوە، ئاگر بەربووەتە پووش و پاوانی ناوچەکە و لەبەر مەترسی بۆردوومانەکە خەڵكی ناتوانن ئاگرەکە بکوژێننەوە.

بۆچوونی لایەنی بەرامبەر: پەکەکە تاوەکو ئێستا پشتڕاستی هەواڵەکەی وەزارەتی بەرگریی تورکیای نەکردووەتەوە.