وەزارەتی دارایی عێراق تەمویلی مووچەی مانگی 11ـی  ڕاگەیاند

ئاڤا نیوز

فەرمانگەی ژمێریاری لە وەزارەتی دارایی عێراق، دەستی بە ڕێکارەکانی تەمویلی مووچەی مانگی 11ـی فەرمانبەرانی عێراق کرد و ئەگەری دواکەوتنی مووچەی بەشێک لەفەرمانبەران هەیە.

ڕاگەیێنراوی فەرمی: بەگوێرەی ڕاگەیێنراوێكی وەزارەتەکە، فەرمانگەی ژمێریاری داوای لە یەکەکانی خەرجی سەرجەم وەزارەت، پارێزگاکان و دەستە سەربەخۆکان کردووە سەردان بکەن بە مەبەستی تەواوکردنی ڕێکارەکانی وەرگرتنی تەمویلی مووچەی مانگی 11، بە مەرجی پابەندبوون بە ڕێنماییەکانی تایبەت بە تەمویلی مانگانە.

لەلایەکی دیکەوە: سەرچاوەیەک لە وەزارەتی دارایی عێراق بۆ ئاڤا میدیا  ئاشکرای کرد، ڕەنگە دابەشکردنی مووچەی ژمارەیەک لە فەرمانگە و وەزارەتەکان لەوادەی خۆی دوا بکەوێت، هۆکارەکەی بۆ پشووەکانی هەڵبژاردن گەڕاندەوە، هەروەها ئاماژەی بەوە کرد کە تا ئێستا بەشێک لەو فەرمانگانە یەکەکانی خەرجی و لیستی مووچەیان ڕەوانە نەکردووە.