پۆڵەندا 10 هەزار سەرباز بۆ ئەگەری هێرشی ڕووسیا دەخاتە ئامادەباشییەوە

ئاڤا نیوز

پۆڵەندا بۆ ڕووبەڕووبوونەوەی ئەگەری هەر هێرشێک کە لەلایەن ڕووسیاوە بکرێت، 10 هەزار سەرباز دەخاتە ئامادەباشییەوە.

چیرۆکی سەرەکی: لە وەڵامی تەقینەوەیەکی هێڵی ئاسنین، پۆڵەندا 10 هەزار سەرباز بۆ پارێزگاریکردن لە ژێرخانی ئەو وڵاتە تەرخان دەکات.

زانیاریی زیاتر: پۆڵەندا دەڵێت دوو ئۆکرانیی هاوکار لەگەڵ مۆسکۆ تەقینەوەکەیان ئەنجامدا لەسەر هێڵی وارشۆ - لوبلین کە وارشۆ بە سنووری ئۆکرانیا دەبەستێتەوە. دەشڵێت ئەنجامدەرانی تەقینەوەکە بەرەو بیلاڕووس هەڵهاتوون.

لەلایەکی دیکەوە: پۆڵەندا ڕایگەیاند، دوایین کونسوڵخانەی ڕووسیا لە خاکی وڵاتەکەی دادەخات و داوای لە هاوپەیمانەکانی یەکێتی ئەورووپا کرد، دیپلۆماتکارانی ڕووسیا سنووردار بکەن.