سویسرا دوای 33 ساڵ باڵیۆزخانەکەی لە عێراق دەکاتەوە

ئاڤا نیوز

 

سویسرا دوای زیاتر لە سێ دەیە لە داخستنی، جارێکی دیکە  باڵیۆزخانەی خۆی لە عێراق دەکاتەوە. 

 

وێنە گەورەکە:  بڕیارە لە چەند مانگی داهاتوودا و دوای 33 ساڵ لە داخستنی، سویسرا باڵیۆزخانەی خۆی  لە عێراق بکاتەوە، ئەمەش بە هەنگاوێکی گرنگ دادەنرێت لە بەرەوپێشچوونی پەیوەندییە دیبلۆماسی و دوو قۆڵییەکانی نێوان بەغدا و بێرن.

 

ڕاگەیێنراوی فەرمی: فوئاد حسێن، وەزیری دەرەوەی عێراق  لە چاوپێکەوتنێکدا لەگەڵ میدیاکانی سویسرا ڕایگەیاند، "لە ماوەی چەند مانگی داهاتوو، سویسرا باڵیۆزخانەکەی لە بەغدا دەکاتەوە. وەک عێراق دڵخۆشین بەم هەنگاوە گرنگە و چاوەڕوانی کردنەوەی باڵیۆزخانەی سویسراین و  لە هەوڵداین بۆ پەرەپێدانی پەیوەندییە دووقۆڵییەکانمان لەگەڵ ئەو وڵاتە''. 

 

ئەوەی پێویستە بیزانیت:  سویسرا باڵیۆزخانەکەی لە ساڵی 1991 بەهۆی شەڕی کەنداوەوە داخستبوو ،  ئێستا ئەو وڵاتە پێیوایە دۆخی ئەمنیی و گەشەی ئابووری لە عێراق باشتربووە، بۆیە کردنەوەی باڵیۆزخانەکەیان بە گرنگ دەزانن.