ئەنجوومەنی وەزیران لەبارەی پرسی مووچە  و یەکخستنی سیستەمی دارایی کۆدەبێتەوە

ئاڤا نیوز

ئەمڕۆ چوارشەممە ئەنجوومەنی وەزیرانی هەرێمی کوردستان بەسەرپەرشتیی سەرۆکوەزیران بارزانی کۆدەبێتەوە و هەڵوەستە لەسەر سێ پرسی تایبەت بە مووچە و یەکخستنی سیستەمی دارایی لە نێوان هەولێر و بەغدا دەکات.

وێنە گەورەکە: تەوەرەکانی کۆبوونەوەکە بریتین لە: یەکخستنی سیستەمی دارایی لە نێوان هەولێر و  بەغدا، پرسی مووچە و خستنەڕووی دەرەنجامی کۆبوونەوەکانی هەفتەی ڕابردووی شاندەکانی کوردستان و عێراق، ئامادەکاری بۆ کۆبوونەوەی ئەنجوومەنی ئابووریی وەزاریی فیدرڵ.

ڕاگەیێنراوی فەرمی: بەپێی ڕاگەیێنراوێکی ئەنجوومەنی وەزیران نێوەڕۆکی کۆبوونەوەکە بەمشێوەیە دەبێت:

تەوەری یەکەم: یەکخستنی ڕێکارەکانی تایبەت بە سیستمی دارایی و ژمێریاریی لە نێوان هەولێر و بەغدا بە ڕەچاوکردنی ماف و دەسەڵاتی هەرێمی کوردستان بەگوێرەی دەستوور.

تەوەری دووەم: دەرەنجامی کۆبووەنەوەی ڕۆژی 29-08-2024ی نێوان شاندی وەزارەتی دارایی هەرێمی کوردستان لەگەڵ شاندی وەزارەتی دارایی عێراق تاوتوێ دەکرێت و تیشک دەخرێتە سەر خستنەڕووی کارەکانی تیمی هاوبەشی دیوانی چاودێریی دارایی بۆ وەرزی دووەمی ساڵی 2024.

تەوەری سێیەم: ئامادەکاری بۆ کۆبوونەوەی ئەنجوومەنی ئابووریی وەزاریی فیدراڵ کە بڕیارە لە هەرێمی کوردستان بەڕێوەبچێت.