وادەی دەستپێکردنی دەوامی قوتابییانی زانکۆی سەڵاحەددین دیاری دەکرێت

ئاڤا نیوز 
 

پڕۆسەی دابەشکردنی بەشە ناوخۆییەکان بەسەر قوتابییانی زانکۆی سەڵاحەددین بەردەوامە، دوای تەواوبوونی دەست بە دەوامی فەرمی بۆ ساڵی خوێندنی 2024-2025 دەکرێت.

 

وێنە گەورەکە: چوار ڕۆژە دەوامی زانکۆکانی دهۆک و سۆران دەستیپێکردووەتەوە و سێ ڕۆژ ماوە بۆ تەواوبوونی وادەی دابەشکردنی بەشە ناوخۆیی بۆ قوتابییانی زانکۆی سەڵاحەددین دوای ئەوە دەوامی فەرمییان دەستپێدەکاتەوە.

 

لێدوانی فەرمی: سامان عەبدوڵڵا، بەرپرسی ڕاگەیاندنی زانکۆی سەڵاحەددین بە ئاڤا نیوزی گوت، "تاوەکو 07-09-2024 پڕۆسەی دابەشکردنی بەشە ناوخۆیی بەسەر قوتابیان بەردەوام دەبێت، لە ڕێکەوتی 08-09-2024 بۆ 10-09-2024 یەکەم ڕۆژی دەوامی فەرمی قوتابییان دەستپێدەکاتەوە."

 

زانیاریی زیاتر: ئەمڕۆ چوارشەممە ئەنجوومەنی زانکۆی گەرمیان بڕیار لە دیارکردنی یەکەم ڕۆژی ساڵی نوێی خوێندن دەدات، دەستپێکردنی دەوام لە زانکۆی سلێمانیش دوای کۆبوونەوەی ئەنجوومەنی ئەو زانکۆیە بڕیاری لێدەدرێت.