سەرۆکوەزیران بارزانی یەکەمەکانی پۆلی 12 و ئامادەییە پیشەییەکان خەڵات دەکات

ئاڤا نیوز

هەفتەی داهاتوو مەراسیمی خەڵاتکردنی یەکەمەکانی سەر ئاستی هەرێمی كوردستان لە هەرسێ بەشی زانستی، وێژەیی و پیشەیی ڕێکدەخرێت و سەرۆکوەزیران بارزانی خەڵاتی تایبەتیان پێدەدات.

وێنە گەورەکە: لەسەر ئاستی هەرێمی کوردستان و خوێندنی کوردی لەکەرکووک 49  قوتابی خەڵات دەکرێن؛ 10 یەکەم، 18 دووەم و 21 سێیەم. مەراسیمەکە ڕۆژی یەکشەممە 8-9-2024 بە بەشداریی سەرۆکوەزیران مەسرور بارزانی ڕێکدەخرێت و خەڵاتی تایبەتیان پێدەدات.

 زانیاریی تایبەت: قوتابییە یەکەمەکان خەڵاتی تایبەتی سەرۆکوەزیران بارزانی وەردەگرن، جگە لەوەی خوێندنیان لە زانکۆ تایبەتەکان بۆ دەکرێت بەخۆڕایی، چاوەڕوان دەکرێت بەشێکیان بۆ خوێندنی زانکۆ ڕەوانەی دەرەوەی وڵات بکرێن.

ئەوەی پێویستە بیزانیت: قوتابییە یەکەمەکان بەمشێوەیە بەسەر پارێزگا و ئیدارە سەربەخۆکانی هەرێمی کوردستان دابەش بوون:-

سلێمانی: 24 قوتابی.
هەولێر: نۆ قوتابی.
دهۆك: سێ قوتابی.
 هەڵەبجە: دوو قوتابی.
 گەرمیان: دوو قوتابی.
ڕاپەڕین: سێ قوتابی.
کەرکووک: شەش قوتابی