چوارەمین فێستیڤاڵی شانۆی کەرکووک دەستپێدەکات

ئاڤا نیوز

 

ئەم فێستیڤاڵە ساڵانە لە شاری کەرکووک بەڕێوەدەچێت و بۆ ئەمساڵیش بڕیارە ماوەی پێنج ڕۆژ بەردەوامبێت.

 

وێنە گەورەکە: ئەمڕۆ 4ـی ئەیلول فێستیڤاڵی چوارەمین خولی شانۆی کەرکووک بە درووشمی (هێز، شوناس و خۆڕاگری) و بەناوی خولی (فەلەکەدین کاکەیی) دەستیپێکرد.

 

لێدوانی فەرمی: شکۆ عومەر، بەڕێوەبەری فێستیڤاڵەکە بە ئاڤانیوزی گوت: لیژنەی باڵای فێستیڤاڵ 13 نمایشی شانۆیی وەرگرتووە بۆ هەردوو بەشی شانۆی هۆڵ و پانتایی کراوە، گرووپە شانۆییەکان لە هەر چوار پارچەی کوردستانەوە بەشداری فێستیڤاڵەکە دەکەن، لەگەڵ ئەوەشدا چوار سیمیناری زانستی بۆ هەشت توێژەر ڕێکدەخرێت.

 

زانیاریی زیاتر: ئەوەی فێستیڤاڵی ئەم ساڵ لە ساڵانی ڕابردوو جیادەکاتەوە پێشبڕکێی خەڵاتی (بابە گوڕ گوڕ)ـە بۆ دەقی شانۆنامەی کوردی.

 

ئەمەش بزانە: ناونانی ئەم خولە بەناوی فەلەکەدین کاکەیی، دەگەڕێتەوە بۆ پێگەی ناوبراو لە کایەکانی ئەدەب و رۆشنبیریی کوردی لە ڕابردوودا.