عێراق بە هاوکاری هەرێمی کوردستان تۆڕێکی تیرۆریستی دەستگیر دەکات

ئاڤا نیوز 

 

ئاژانسی هەواڵگری و لێکۆڵینەوەی فیدراڵی هەڵوەشانەوەی تۆڕێکی تیرۆریستی و دەستگیرکردنی سەرجەم ئەندامەکانی بە هاوکاری لەگەڵ دەسەڵاتدارانی ئەمنیی لە هەرێمی کوردستان ڕاگەیاند.

 

ڕاگەیێنراوی فەرمی: ئاژانسەکە ڕایگەیاند: لە ئۆپەراسیۆنێکی جۆری و بە پشتبەستن بە زانیاریی وردی هەواڵگری، بە هاوکاری لەگەڵ دەزگا ئەمنییەکان لە هەرێمی کوردستان توانرا تۆڕێکی تیرۆریستی هەڵبووەشێنرێتەوە و سەرجەم ئەندامەکانیشی دەستگیر بکرێن.

 

زانیاریی زیاتر: بەپێی ڕاگەیێنراوەکە ئەندامانی تۆڕەکە سێ تۆمەتبار بوون لە چوارچێوەی ناوچەکانی هەرێمی کوردستان، لە لێکۆڵینەوە سەرەتاییەکانیشدا لەگەڵ ئەندامانی ئەو تۆڕە دانیان بەوە داناوە چەندین کردەوەی تیرۆریستیان لە پارێزگاکانی کەرکووک، سەلاحەددین و دیالە ئەنجامداوە.