عەممار حەکیم: دەبێت دادگەییکردنی"دزیی سەدە" هاوشێوەی دادگەییکردنەكەی سەددام حوسێن بێت

ئاڤا نیوز

چەند سەركردەیەكی عێراقی داوا دەكەن ڕێوشوێنی پێویست بگیرێتەبەر و پەلە بكرێت لە دادگەییكردنی تۆمەتبارانی "دزیی سەدە".

 

وێنە گەورەکە: دۆسیەی بردنە دەرەوەی بڕی 2.5 ملیار دۆلار لە بانکی ڕافیدەینەوە بۆ دەرەوەی عێراق، وەک یەكێک لە گەورەترین گەندەڵی دارایی لە عێراق دادەنرێت و بە "دزیی سەدە" ناو دەبرێت.

 

لێدوانی فەرمی: عەممار حەكیم، سەرۆكی ڕەوتی حیكمە ڕایگەیاند: "دادگەییکردنی "دزیی سەدە"  دەبێت هاوشێوەی پرۆسەی دادگەییکردنەكەی سەددام حوسێن گشتیی بێت و، لەڕێگەی دەزگاكانی ڕاگەیاندنەوە ڕاستەوخۆ بڵاو بكرێتەوە، پێویست ناكات هیچ کەسێك ترسی لەم دادگەییکردنەدا هەبێت".

 

لەلایەکی دیکەوە: قەیس خەزعەلی، ئەمینداری گشتی عەسائیب ئەهلی حەق، پشتیوانی خۆی بۆ بانگەوازەكەی حەکیم ڕاگەیاند و داوای ئەنجامدانی دادگەییکردنی گشتیی ئەو کەسانەی كرد كە تۆمەتبارن بە "دزییی سەدە" .