پەسندکردنی یاسای هێزە ئەمنییەکان کۆدەنگی سیاسی پێویستە

ئاڤا نیوز

 

لیژنەی ئاسایش و بەرگریی لە پەرلەمانی عێراق داوایەکی ئاڕاستەی سەرۆکایەتی پەرلەمان کردووە، تاوەکو یاسای تایبەت بە دەزگا ئەمنییەکان بخاتە بەرنامەی کارەوە.

 

وێنە گەورەکە: لە 24-7-2024، پەرلەمانی عێراق خوێندنەوەی یەکەمی بۆ ڕەشنووسی یاسای خزمەت و خانەنشینی هێزەکانی حەشدی شەعبی تەواو کرد، بەڵام یاساکانی دیکەی پەیوەست بە خزمەتگوزارییە ئەمنییەکانی دواخست.

 

لێدوانی فەرمی: مەهدی تەقی، ئەندامی لیژنەی ئاسایش و بەرگری لە پەرلەمانی عێراق ڕایگەیاند: "لەماوەی یاسایی ئێستای پەرلەمان، کار لەسەر پەسەندکردنی یاسای خزمەت و خانەنشینیی ئەندامانی هێزەکانی حەشدی شەعبی و یاسای دەزگای هەواڵگری عێراق دەكەن".

 

له‌لایه‌كی دیكه‌وه: محەممەد عنوز، ئەندامی لیژنەی یاسایی پەرلەمانی عێراق دەڵێت: “ پەسەندکردنی یاساکانی پەیوەست بە دەزگا ئەمنییەکان  پێویستیی بە کۆدەنگی سیاسی نێوان سەرجەم لایەنە سیاسیەكانی عێراق هەیە و دەبێت هەموو پێكهاتەكان لەسەری ڕێككەون”.