عێراق دەیەوێت کۆتایی بە شەڕی خێڵەکی بهێنێت

ئاڤا نیوز 

 

دیاردەی شەڕی خێڵەکی لە باشووری عێراق بەردەوامی هەیە، حکومەتیش بۆ ڕێگریکردن لەو دیاردەیە دەیەوێت چەند بڕیارێکی توند دەربکات.

 

وێنە گەورەکە: بەهۆی بوونی کێشەی کۆمەڵایەتی و داگیرکاری زەوی و زار، لەسەرەتای ئەمساڵەوە تاوەكو ئێستا چەندین شەڕی خێڵەكی لە باشووری عێڕاق ڕوویانداوە.

 

لێدوانی فەرمی: لیوای مافپەروەر سەلمان حەسناوی، بەڕێوەبەری گشتیی کاروباری هۆزەكان لە وەزارەتی ناوخۆی عێراق بە ئاڤا نیوزی ڕاگەیاند: بۆ ئەوەی ئەو دیاردەیە بە تەواوی بنبڕبکرێت ڕێکاری زۆر گیراوەتەبەر و ڕێگا نادەین هیچ جۆرە چەكێک لای ئەندامانی هۆزەكان هەبێت.

 

سەلمان حەسناوی باسی لەوەشکرد: ئەو هۆزانەی هێرشی چەكداری  دەكەنە سەر ماڵی هاووڵاتییان بەهەر پاساوێک بێت، بە تاوان هەژمار دەكرێت و سزاكەشی زیندامی هەمیشەی و سزای لەسێدارەدانە.

 

ئەمەش بزانە: شەڕی خێڵەکی لە باشووری عێراق بەردەوامە و پێشتریش حکومەت بڕیاری قه‌ده‌غه‌ی به‌کارهێنانی چه‌کی له‌و شەڕانە داوە، سەرپێچیکاران بە کەیسی تیرۆر مامەڵەیان لەگەڵ دەکرێت.