ژمارەیەک قوتابی زانکۆی سەڵاحەددین مۆڵەتی ئەکادیمییان لە ئوردن وەرگرت

ئاڤا نیوز 

 

15 قوتابیی کۆلێژی ئەندازیاری زانکۆی سەڵاحەددین مۆڵەتی میکانیکی و چاککردنەوەی فڕۆکەوانییان لە فڕۆکەخانەی شاهانەی ئوردن وەرگرت، بەمەش بوونە خاوەنی دووەمین بڕوانامە لە بواری فڕۆکەوانی.

 

وێنە گەورەکە: ماوەی خوێندن‌ لەو  ئه‌كادیمیای فڕۆكه‌وانیی شاهانەی ئوردن دوو ساڵە و له‌م ماوەیەدا قوتابییان بابه‌ته‌ پراكتیكییه‌كان ده‌خوێنن، بەگوێرەی ڕێککەوتنێک لەگەڵ زانکۆی سەڵاحەددین، قوتابییانی ئەو زانکۆیە دوای بەدەستهێنانی بڕوانامە لە بواری فڕۆکەوانی بۆ خوێندنی وانەی پراکتیکی ڕەوانەی ئوردن دەکرێن.

 

لێدوانی فەرمی:  سامان عەبدوڵڵا، بەرپرسی ڕاگەیاندنی زانکۆی سەڵاحەددین بە ئاڤا نیوزی ڕاگەیاند: قوتابییان لەو ئەکادیمیایەدا دوو بڕوانامەیان دەبێت، یەکەم؛ بڕوانامه‌ی بەكالۆریۆس له‌ زانكۆی سه‌ڵاحه‌ددین و دووەم؛ مۆڵه‌تی میکانیکی و چاکردنەوەی فڕۆكه‌وانییان له‌ ئوردەن پێده‌درێت.

 

ئەوەی پێویستە بیزانیت: ماوەی چوار ساڵە کۆلێژی ئەندازیاریی زانکۆی سەڵاحەددین کراوەتەوە، لەگەڵ کردنەوەی بەشەکە بڕیاردرا قوتابییان دوو ساڵی کۆتایی بۆ خوێندنی پراکتیکی بنێردرێن بۆ ئۆکراینا، بەڵام بەهۆی جەنگەوە گرێبەستیان لەگەڵ ئەو وڵاتە هەڵوەشایەوە و گرێبەست لەگەڵ ئەکادیمیای فڕۆكه‌وانیی شاهانەی ئوردن کرا.