نێچيرڤان بارزانى و سه‌رۆكوه‌زيرانى يۆنان: ڕێگه‌ نه‌درێت شه‌ڕ و ئاڵۆزييه‌كان زياتر په‌ره‌بستێنن

ئاڤا نیوز

سەرۆکی هەرێمی کوردستان و سه‌رۆكوه‌زيرانى يۆنان بەپێویستی دەزانن ئارامى و سه‌قامگيريى ڕۆژهەڵاتی ناوەڕاست بپارێزرێت و ڕێگه‌ نه‌درێت شه‌ڕ و ئاڵۆزييه‌كان له‌وه‌ زياتر په‌ره‌بستێنن.

چیرۆکی سەرەکی: ئه‌مڕۆ هه‌ينى نێچيرڤان بارزانى، سه‌رۆكى هه‌رێمى كوردستان له‌ چوارچێوەی كۆنفرانسى ئاساييشى ميونشن له‌ ئه‌ڵمانيا، له‌گه‌ڵ كيرياكۆس ميتسۆتاكيس، سه‌رۆكوه‌زيرانى يۆنان كۆبووه‌وه‌.

بابەتە ستراتیژییەکان: له‌ كۆبوونه‌وه‌كه‌دا ده‌رفه‌ته‌كانى بره‌ودان به‌ په‌يوه‌ندييه‌كانى يۆنان له‌گه‌ڵ عێراق و هه‌رێمى كوردستان و فراوانكردنى هاريكاريى هاوبه‌ش، دۆخى ئه‌منى و سياسيى عێراق، په‌يوه‌ندييه‌كانى هه‌ولێر و به‌غدا و گفتوگۆى چاره‌سه‌ركردنى كێشه‌كانيان، هه‌ڕه‌شه‌ى تيرۆر و مه‌ترسييه‌كانى داعش، په‌يوه‌ندييه‌كانى عێراق و هه‌رێمى كوردستان له‌گه‌ڵ وڵاتانى دراوسێ، دۆخى سووريا و چه‌ند پرسێكى ديكه‌ تاوتوێكراون.

ڕاگەیێنراوی فەرمی: هه‌ردوولا جه‌ختيان له‌ خواستى به‌ره‌وپێشبردنى په‌يوه‌ندييه‌كان له هه‌موو بواره‌كاندا كردووەتەوە. به‌وردی بيروڕايان ده‌رباره‌ى مه‌ترسيى دۆخى ئاڵۆزى ڕۆژهه‌ڵاتى ناوه‌ڕاست گۆڕيوەتەوە و، بەپێویستیان زانیوە ئارامى و سه‌قامگيريى ناوچه‌كه‌ بپارێزرێت و ڕێگه‌ نه‌درێت شه‌ڕ و ئاڵۆزييه‌كان له‌وه‌ زياتر په‌ره‌بستێنن.

ئەوەی پێشبینی دەکرێت: سه‌رۆكوه‌زيرانى يۆنان خواستى خۆى بۆ سه‌ردانى عێراق و هه‌رێمى كوردستان له‌ داهاتوويه‌كى نزيكدا ده‌ربڕىوە.