کۆمەڵگەی دایک لە سۆران کرایەوە

ئاڤا نیوز

 

کۆمەڵگەی دایک لە سنووری ئیدارەی سەربەخۆی سۆران کرایەوە، کە لەسەر ئەرکی سەرۆک بارزانی بونیادنراوە.

 

وێنە گەورەکە: کۆمەڵگەی دایک، شەش باڵەخانەی پەیوەست بە خاوەن پێداویستی تایبەت و بێسەرپەرشتان لەخۆدەگرێت، لەسەر ڕووبەڕی 11 هەزار مەتر دووجا بە گوژمەی دوو ملیار و 500 ملیۆن دینار بونیاتنراوە.

 

ئەوەی پێویستە بیزانیت: کۆمەڵگەکە لە شەش بەشی سەرەکی پێکدێت؛ پەیمانگای نابینایان، پەیمانگای نابیستان، سه‌نته‌ری ئۆتیزم، خانه‌ی بێسه‌رپه‌رشتان، خانه‌ی به‌ساڵاچووان، خانه‌ی کلتووری لەخۆدەگرێت.

ژمارەکان وادەڵێن: خانەی بێسەرپەرشتانی کۆمەڵگەکە 30 منداڵی بێسەرپەرشت لەخۆدەگرێت، سەنتەری ئۆتیزم 50 منداڵ لەنێوان سێ بۆ چوار ساڵی هەیە، هەروەها بەشی بەساڵاچووان 30 کەس لەخۆ دەگرێت، بەشی پەیمانگەی نابینایان توانای لەخۆگرتنی 95 قوتابی هەیە، هاوکات پەیمانگای نابیستان نزیکەی 100 قوتابی لەخۆدەگرێت.
 

ئەمەش بزانە: کۆمەڵگەکە لەلایەن 61 کارمەندی خۆبەخشی دەزگای خێرخوازی بارزانی سەرپەرشتی دەکرێت.