پێشنیازێکی نوێ بۆ وەرگرتنی گەنمی جوتیاران دەخرێتەڕوو

ئاڤا نیوز 

 

ئێوارەی ئەمڕۆ کۆبوونەوەی شاندەکانی نێوان هەولێر و بەغدا دەستپێدەکات، لە بارەی وەرگرتنی گەنمی جووتیارانەوە پێشنیازێکی نوێ بە شاندی بەغدا دەدرێت.

 

وێنە گەورەکە: ئەمساڵ لە کۆی ملیۆنێک و 400 هەزار تۆن بەرهەمی گەنمی جووتیارانی کوردستان، نزیکەی 700 هەزار تۆن لەلایەن حکومەتی فیدڕاڵییەوە وەرگیرا، هاوکات نزیکەی 50 ڕۆژە پڕۆسەی وەرگرتنی گەنم لە سایلۆکانی هەرێمی کوردستان تەواو بووە، تا ئێستا تەنیا 12.5%ـی پارەکە نێردراوە.

 

ئەوەی پێویستە بیزانیت: ڕێژەی 77.5% پارەی گەنمی جووتیارانی هەرێمی کوردستان لەلای وەزارەتی دارایی عێراقە، لە ئێستادا لەکۆی 590 ملیار دینار تەنیا 74 ملیار دینار نێردراوە.

لێدوانی فەرمی: نەوزاد شێخ کامیل، بەڕێوەبەری گشتی بازرگانی و پیشەسازی، لە وەزارەتی بازرگانی بە ئاڤا نیوزی ڕاگەیاند، "لە کۆبوونەوەکە پێشنیاز دەکەین، هاوشێوەی پارێزگاکانی عێراق لە دەستپێکی ساڵدا بڕی ئەو گەنمەی وەردەگیرێت و بودجەی تەرخانکراوی بۆ یەکلایی بکرێتەوە، بۆ ئەوەی جووتیاران لەکاتی خۆیدا پارەکانیان وەربگرن".

 

لەلایەکی دیکەوە: زۆزان کۆچەر، ئەندامی لیژنەی کشتوکاڵ لە پەرلەمانی عێراق بە ئاڤا نیوزی ڕاگەیاند، "لەم هەفتەیەدا گوژمەی یەکەمی پارەی گەنمی جووتیاران کە 150 ملیار دینارە دەخرێتە سەر هەژماری بانکیی هەرێمی کوردستان."