بەهۆی بارانبارینی زۆر پرۆژەی ئاوی خاس لە قەڵادزێ ڕادەگیرێت

ئاڤا نیوز

دوای ئەوەی لە 48 کاتژمێری ڕابردوودا شەپۆلێکی باران بارین هەرێمی کوردستانی گرتەوە، لە سنوری ئیدارەی ڕاپەڕین بەهۆی زۆری رێژەی باران بارین و بەرزبوونەوەی ئاستی ئاوی زێی بچووک،  قوڕاوێکی زۆر تێکەڵ بە ئاوەکە بووە و کێشەی بۆ پرۆژەی ئاوی خاس لە قەڵادزێ درووستکردووە.

لێدوانی فەرمی: مارف مەحموود، بەڕێوەبەری پرۆژەی ئاوی خاس بە ئاڤا نیوزی گوت: ئێستا رێژەی قوڕاو و لێڵی ئاوەکە لە پرۆژەکەیان گەیشتووەتە 3000MTU لەبەرئەوە پرۆژەکەیان توانای پاڵاوتنی ئاوەکەیان نییە.

" بۆ ئەمڕۆ دەتوانن لە ئاوی خەزنکراو و سەرچاوەی ئاوی هەڵشۆ ئاوی بەشێک لە قەڵادزێ بدەن، بەڵام ئەگەر سبەی ئاستی لێڵی ئاوەکە دانەبەزێت بۆ 500MTU  ئەوا گرفتی دابەشکردنی ئاویان بۆ درووستدەبێت".

باكگراوند: پرۆژەی ئاوی خاس لە قەڵادزێ، سەرچاوەی دابەشکردنی ئاوی خواردنەوەی ماڵانە و ئاو بۆ  ٪95ـی دانیشتووانی قەڵادزێ دابیندەکات.