ئەم بەرەبەیانییە هاریس و ترەمپ دیبەیتێکی چارەنووسساز دەکەن

ئاڤا نیوز

 

 

میدیاکانی ئەمریکا پێشبینی دەکەن دۆناڵد ترەمپ هاوشێوەی دیبەیتەکەی ساڵی 2016 لەگەڵ کلینتۆن، ئەمجارەش بێڕێزی بە هاریس بکات. 

 

وێنە گەورەکە: بۆ دیاریکردنی ئاست و ئاشنابوون بە سیاسەتی بەربژێرەکان،  هەریەک لە کامالا هاریس، بەربژێری دیموکراتەکان و دۆناڵد ترەمپ، بەربژێری پارتی کۆمارییەکان بۆ پۆستی سەرۆکایەتیی ئەمریکا  لە گفتوگۆیەکی ڕاستەوخۆدا لە فیلادێلفیا ڕووبەڕووی یەکتر دەبنەوە.

 

لێدوانی فەرمی: لە بانگەشەکانی هەڵبژاردندا، ترەمپ بە قسەی نەشیاو و بێڕێزی هەڕەشەی لە کامالا دەکرد ئەمە لەکاتێکدا خانمە بەربژێرەکەی دیموکراتەکان هەم خەڵکی باشووری ئاسییایە و هەم ڕەشپێستە، ترەمپ دەیگوت : "ئەو [ هاریس] بەم دواییانە خۆی کردووەتە کەسێکی ڕەشپێست، لە هەمان کاتدا بۆ پێشکەوتن لە پیشەکەی کاری نەشیاوی ئەنجام داوە". 

 

ئەوەی پێشبینی دەکرێت: بەپێی قسەی هەشت پسپۆڕی سیاسی، ئەم جۆرە هەڕەشانە لە پێش چاوی ملیۆنان بینەر و ئەگەری وەڵامی هاریس بۆ قسەکانی ترەمپ، مەترسی بۆ هەردوو بەربژێرەکە دروست دەکات. 

 

زانیاریی زیاتر: بە گوتەی جۆن گیر، مامۆستای زانکۆی ڤاندەربیڵت و شارەزا لە سیاسەتی سەرۆکایەتی، "ڕەنگە سووکایەتییەکانی ترەمپ، گرووپە سەرەکییەکانی دەنگدەر، لەوانە ژنان، دەنگدەرانی ڕەشپێست و میانڕەوەکان دوور بخاتەوە لە دەنگدان".

 

ئەمەش بزانە: دیبەیتەکە ئەمشەو کاتژمێر نۆ بەکاتی ویلایەتە یەکگرتووەکانی ئەمریکا و کاتژمێر چواری بەرەبەیان بە کاتی هەولێر لە کەناڵی ئەی بی سی نیوز دەکرێت.