پزیشكیان لە هەرێمی کوردستانەوە ناگەڕێتەوە بۆ ئێران

ئاڤا نیوز 

 

مەسعود پزیشكیان بە سەردانێک لە شاری هەولێرە و دواتر دەچێتە سلێمانی، بەڵام لە سلێمانییەوە ناگەڕێتەوە بۆ ئێران. 

 

وێنە گەورەكە: ڕۆژی پێنجشەممە 12-09-2024، مەسعود پزیشكیان، سەرۆككۆماری ئێران بە سەردانێک گەیشتە هەولێر و لە فڕۆكەخانە لەلایەن نێچیرڤان بارزانی، سەرۆكی هەرێمی كوردستان پێشوازیی لێكرا.

 

زانیاریی بەدەستهاتوو: بەپێی ئەو زانیارییانەی دەست ئاڤا نیوز كەوتوون، پاش هەولێر، پزیشكیان سەردانی شاری سلێمانی دەكات و لەوێ چەند دیدارێكی دەبێت، پاشان بەرەو بەسڕە بەڕێ دەکەوێت و دواتر سەردانی هەردوو شاری نەجەف و كەربەلا دەكات و لەوێ مەزارگە ئایینییەكان بەسەر دەكاتەوە و كۆتایی بە سەردانەكەی بۆ عێراق دێنێت.

 

زانیاریی زیاتر: ئەمە یەكەم سەردانی پزیشكیانە بۆ دەرەوەی وڵاتەكەی، بڕیارە پاش عێراق سەردانی چەند وڵاتێكی دیكە بكات.