گۆتێرێس: جیهان لە 75 ساڵی ڕابردوودا هەرگیز هێندەی ئێستا پەرتەوازە نەبووە

ئاڤا نیوز

سكرتێری گشتیی نەتەوەیەكگرتووەكان لە میونشنەوە دژایەتی خۆی بۆ بەردەوامیی شەڕ لە غەززە دەربڕی، پێشی وا بوو جیهان لە 75 ساڵی ڕابردوودا هەرگیز بە هێندەی ئێستا دابەش و پەرتەوازە نەبووە.

لێدوانی فەرمی: ئەنتۆنیۆ گوتێریس، سکرتێری گشتیی نەتەوە یەکگرتووەکان، لە کۆنفڕانسی ئاسایشی میونشن، گوتارێكی پێشكەش كرد و ڕایگەیاند: ئەوەی ئەمڕۆ لە جیهاندا دەگوزەرێت لە سوودی هیچ لایەکدا نییە و کار ناکات. پێی وا بوو جیهان لە 75 ساڵی ڕابردوودا هەرگیز بە هێندەی ئێستا دابەش و پەرتەوازە نەبووە.

" دۆخی ئەمڕۆی غەززە بەڵگەی بنبەستی پەیوەندییە نێودەوڵەتییەکانە. هیچ پاساوێک بۆ هێرشەکانی حەوتی تشرینی یەکەمی حەماس نییە، بەڵام هیچ پاساوێکیش بۆ سزادانی بەکۆمەڵی فەڵەستینییەکان نییە".

 سكرتێری گشتیی نەتەوەیەكگرتووەكان دژ بە هێرشی ئیسرائیل بۆ سەر ڕەفەح لێدوانی دا و هەمووانی ئاگادار کردەوە "هێرش بۆ سەر ڕەفەح زۆر ماڵوێرانکەر دەبێت بۆ فەڵەستینییەکان، کە خۆیان بێ هیچ شتێک لەسەر لێواری مان و نەماندان".

باكگراوند: لە حەوتی تشرینی دووەمی ساڵی ڕابردووەوە كاتێك حەماس هێرشی لەناكاوی كردە سەر ئیسرائیل و زیاتر لە هەزار و 200 ئیسرائیلی كوژران، سوپای ئیسرائیل لە ئاسمان و زەمینەوە هێرشی چڕی بۆ سەر غەززە دەستپێكردووە و تائێستا زیاتر لە 28 هەزار كەس لەو شارە كوژراون.