قۆناغی یەكەمی دابەشكردنی زەوی لە بیارە دەست پێ دەكات

ئاڤا نیوز

بەشی ڕاگەیاندنی بەڕێوەبەرایەتیی گشتیی شارەوانییەكانی هەڵەبجە ئاشكرای دەكات، لە نزیكترین كاتدا قۆناغی یەكەمی دابەشكردنی زەوی دابەشكردنی زەوی لە بیارە دەست پێ دەكات، ئەو فەرمانبەرانەی تا ئێستا لە وەرگرتنی زەوی سوودمەند نەبوونە، بە لەبەرچاوگرتنی خاڵبەندی و لەڕێگەی تیروپشكەوە، لە سنووری سەرۆكایەتیی شارەوانیی بیارە زەوی وەردەگرن.

چیرۆكی سەرەكی: لیژنەی دابەشكردنی زەوی لە پارێزگای هەڵەبجە كۆبوونەوەیەكی ئەنجامدا كە هەریەک لە سەرۆكی شارەوانیی بیارە، لێپرسراوی بەشی یاسایی بەڕێوەبەرایەتیی گشتیی شارەوانییەكانی هەڵەبجە، هەردوو لیژنەی یاسایی و ئەندازیاری لە بەڕێوەبەرایەتی گشتیی شارەوانییەكانی هەڵەبجە ئامادەی كۆبوونەوەكە بوون.

لێدوانی فەرمی: بەشی ڕاگەیاندنی بەڕێوەبەرایەتیی گشتیی شارەوانییەكانی هەڵەبجە ڕایگەیاند، لیژنە تایبەتمەندەكان سەرجەم ڕێكارە یاسایی و كارگێڕییەكانیان بۆ دابەشكردنی زەوی بەسەر فەرمانبەران تەواوكردووە و بڕیاروایە لە نزیكترین كاتدا، قۆناغی یەكەمی دابەشكردنی زەوی لە سنووری شارەوانیی بیارە دەستپێبكات كە بەشێوەی تیروپشک و خاڵبەندی دەبێت.

ئەوەی پێویستە بیزانیت: لە سنووری پارێزگای هەڵەبجە، پرۆسەی دابەشكردنی زەوی بەسەر ئەو كەسانەی مەرجەكانی وەرگرتنی زەوی دەیانگرێتەوە، نزیكەی ساڵێكە دەستی پێ كردووە، هاوكات لە سنووری ناحیەكانی؛ سیروان، بەمۆ، خورماڵ و بیارە كە سەر بەو پارێزگایەن، ئامادەكارییەكان تەواوکراون، ماوەتەوە بە كردەیی زەوی بە فەرمانبەران بدرێت.