ئاگادارییەک لەبارەی مووچە بۆ سەرجەم فەرمانبەران و خانەنشینان

ئاڤا نیوز

 

خانەنشینانی هەرێمی کوردستان ئاگاداردەکرێنەوە لە تانەدان لە مووچە و ڕاژەکانیان لە دوای تۆمارکردنیان لە لیستی خانەنشینی.

 

وێنە گەورەکە: یاسای ژمارەی 9ی خانەنشینی عێراق لە 1-1-2014 چووەتە بواری جێبەجێکردنەوە  و 10 ساڵە کاری پێدەکرێت، لەمەودوا لە هەرێمی کوردستانیش جێبەجێ دەکرێت. 

 

ڕاگەیێنراوی فەرمی: بەڕێوەبەرایەتیی خانەنشینی هەولێر ڕایدەگەیێنێت، هەر فەرمانبەرێک دواى خانەنشینبوونى، تاوەکو 90 ڕۆژ لە ڕێککەوتى وەرگرتنى یەکەم مووچەی خانەنشینى، بۆى هەیە تانە لە مووچە و ڕاژەکەى بدات، دواى ئەو ماوەیە ئەو مافەى نامینێت.

 

زانیاریی زیاتر: ئەم ئاگادارکردنەوەیە تەنها تایبەت نییە بە سنووری هەولێر و سەرجەم فەرمانبەران و خانەنشینانی هەرێمی کوردستان دەگرێتەوە.

ئەوەی پێویستە بیزانیت: ئەوانەی بەر لە ساڵی 2014 خانەنشین کراون مووچەکانیان لە 500 هەزار دینار کەمتر نابێت، بەڵام ئەوانەی دوای ئەو ڕێککەوتە خانەنشین دەبن بڕوانامە و ساڵانی خزمەتیان بۆ هەژمار دەکرێت و مووچەکەیان زیاتر دەبێت.

 

ئەمەش بزانە: بە جێبەجێکردنی یاسای خانەنشینی عێراق لە هەرێمی کوردستان، 227 هەزار و 541 خانەنشین لەم یاسایە سوودمەند دەبن. نزیکەی 50 ملیار دیناریش بۆ کۆی گشتی مووچەی خانەنشینانی هەرێمی کوردستان زیاد دەبێت.