بۆ ماوەی چوار ڕۆژ کارەبای ناو بازاڕی ڕانیە دەبڕێت

ئاڤا نیوز 

 

لە دوێنێوە کارەبای ناو بازاڕی ڕانیە بڕاوە بە هۆکاری نۆژەنکردنەوەی ناو بازاڕ و ڕێکخستنەوەی کارەبای ئەو شەقامە.

 

لێدوانی فەرمی: عەلی محەممەد، بەڕێوەبەری کارەبای ڕاپەرین، بە ئاڤا نیوزی ڕاگەیاند: لەسەر بوودجەی گەشەپێدانی ئیدارەی ڕاپەرین، دەستمانکردووە بە چاکسازی و جوانکاری لە تۆڕی کارەبای ناو بازاڕ ڕانیە، بەهۆکاری ناڕێکی و ئاڵۆزی تۆڕی کارەبای ئەو ناوچەیە؛ هەروەها مۆلیدەکانیش ڕێکدەخرێنەوە بەسەر دوو بەشدا دابەشدەکرێن، تاوەکو ئەو سیما ناشارستانیەی جارانی نەمێنێت.

 

ئەوەی پێویستە بیزانیت: ماوەی چوار ڕۆژ چاکسازی لە تۆڕی کارەبای ناوبازاڕی ڕانیە دەکرێت، ڕۆژ شەممە بڕیارە بە تەواوی کارەکانی نۆژەنکردنەوە و چاکسازیەکە بە کۆتا بێت و کارەبا بگەڕێتەوە بۆ دووکاندارەکان.