سەرۆکی ئەنجوومەنی ئاسایشی ڕووسیا سەردانی کۆریای باکوور دەکات

ئاڤانیوز

 

سێرگی شۆیگۆ، سەرۆکی ئەنجوومەنی ئاسایشی ڕووسیا، لە پیۆنگیانگی پایتەختی کۆریای باکوور لەگەڵ کیم جۆنگ ئون، ڕێبەری ئەو وڵاتە کۆبووەوە.

 

وێنە گەورەکە: ساڵی ڕابردوو هەردوو وڵات یادی 75ـمین ساڵەی دامەزراندنی پەیوەندییە دیپلۆماسییەکانی نێوانیان کردەوە، ئەمساڵیش 75ـمین ساڵیادی واژۆکردنی یەکەمین بەڵگەنامەی هاوبەشی نێوان هەردوو وڵاتە، کە ئەویش لە بواری ئابووری و ڕۆشنبیری و هاوکارییە.

 

ڕاگەیێنراوی فەرمی: ئەنجوومەنی ئاسایشی ڕووسیا ڕایگەیاند "کۆبوونەوەکان لە پیۆنگیانگ لە کەشێکی بێوێنەی دۆستانە و پڕ لە متمانەدا بەڕێوەچوون، ئەمەش لەبارەی ئەو ڕێککەوتنانە بوو کە لەلایەن سەرانی هەردوو وڵاتەوە و لەمیانەی سەردانە فەرمییەکەی مانگی حوزەیرانی سەرۆک ڤلادیمیر پووتین بەسترا بوون."

 

زانیاریی زیاتر: ئەم کۆبوونەوەیە چەند هەفتە دوای ئەوە دێت کە ڕووسیا و پیۆنگیانگ ڕێککەوتنامەیەکی بەرگرییان واژۆ کرد. 

 

ئەوەی پێویستە بیزانیت: ئەمریکا و کۆریای باکوور بە ناردنی مووشەک و یارمەتیدانی ڕووسیا لە شەڕی دژ بە ئۆکراینا تۆمەتبار دەکات. ڕووسیا و کۆریای باکوور ئەم تۆمەتانە ڕەتدەکەنەوە.