واشنتن پۆست: به‌غدا و واشنتن له‌بارەی مانەوەی هێزه‌كانی ئه‌مریكا له‌ هه‌رێمی كوردستان ڕێكکەوتوون

ئاڤا نیوز 

 

سەرەڕای فشارەکان بۆ کشانەوەی هێزەکانی ئەمریکا لە عێراق، بەڵام به‌غدا و واشنتن له‌بارەی هێشتنه‌وه‌ی به‌شێک لە هێزه‌كانی ئه‌مریكا له‌ هه‌رێمی كوردستان تا ساڵی 2026 ڕێککەوتوون.

وێنه‌ گه‌وره‌كه‌: كشانه‌وه‌ی هێزه‌كانی ئه‌مریكا و هاوپه‌یمانان، داواكاری به‌شێک له‌ میلیشیا چه‌كداره‌كانی حه‌شدی شه‌عبییە‌ كه‌ خۆیان به‌ به‌ره‌ی مقاومه‌ی ئیسلامی ناوده‌به‌ن و پشتگیری بزووتنه‌وه‌ی حه‌ماس ده‌كه‌ن له شه‌ڕی غه‌ززه‌، چه‌ندین جاریش بۆ ده‌ركردنی هێزه‌كانی ئه‌مریكا فشاریان خستووەتە ‌سه‌ر حكومه‌تی عێراق. 

 

لێدوانی فه‌رمی: رۆژنامه‌ی "واشنتن پۆست"ـی ئه‌مریكی، له‌ زاری به‌رپرسێكی باڵای سه‌ربازی عێراقییه‌وه‌ كه‌ نه‌یوستووه‌ ناوی بهێنرێت ئاشکرای کردووە، واشنتن و به‌غدا ڕێككه‌وتنی سه‌ره‌تاییان كردووه‌ بۆ كشاندنه‌وه‌ی هێزه‌كانی ئه‌مریكا له‌ كۆتایی ساڵی داهاتوودا له‌ ناوچه‌كانی دیكه‌ی عێراق، به‌و مه‌رجه‌ی به‌شێک له‌ هێزه‌كان ببرێنە هه‌رێمی كوردستان و تا ساڵی 2026 بمێننه‌وه‌.

 

زیاتر بزانه‌: گواستنه‌وه‌ی هێزه‌كانی ئه‌مه‌ریكا له‌ ناوچه‌كانی دیكه‌ی عێراق بۆ هه‌رێمی كوردستان، له‌پێناو پاراستنی هه‌رێمی کوردستانە‌ له‌ هه‌ڕه‌شه‌ی بەشێک له‌ میلیشیاكانی حه‌شدی شه‌عبی كه‌ له‌لایه‌ن ئێرانه‌وه‌ پشتیوانی ده‌كرێن، هاوكات به‌ ئامانجی ئه‌وه‌ی گرژییه‌كانی ناوچه‌كه‌ بۆ ناوخۆی عێراق و هه‌رێمی كوردستان په‌لنه‌هاوێژن.