بۆ ڕێزگرتن لە گیانی ناڤالنی؛ وەزیرانی دەرەوەی G7 خولەکێک بەبێدەنگی وەستان

ئاڤا نیوز

 

وەزیرانی دەرەوەی وڵاتانی کۆمەڵەی G7، لە سەرەتای کۆبوونەوەکەیاندا کە لە میونشنی ئەڵمانیا بەڕێوەچوو، ساتێک بەبێدەنگی بۆ کۆچی دوایی ئالێکسی ناڤالنی، ڕاوەستان. 

 

وێنە گەورەکە: گیانلەدەستدانی ناڤالنی، ڕەخنەگری دیاری پوتین، لە گرتووخانەیەکی ڕووسیا ناڕەزایی زۆری لێکەوتەوە و لەسەر ئاستی ڕووسیا و نێودەوڵەتی گومان لە مردنەکەی دەکرێت. لە میانەی کۆبوونەوەیاندا، وەزیرانی دەرەوەی وڵاتانی کۆمەڵەی 7، بۆ ڕێزگرتن لە گیانی ناڤالنی، خولەکێک بە بێدەنگی وەستان. 

 

ڕاگەیێنراوی فەرمی: وەزارەتی دەرەوەی ئیتاڵیا ڕایگەیاند: ئەنتۆنیۆ تایانی، وەزیری دەرەوەی ئیتاڵیا، لە دەستپێکی کردنەوەی کۆبوونەوەکەدا داوای لە ئامادەبووان کردووە خولەکێک بەبێدەنگی بۆ ڕێزگرتن لە "بیرۆکە و خەباتی ناڤالنی لە دژی گەندەڵی لە ڕووسیا کە ناڤالنییانی بەرەو مردن برد" بوەستن. 

 

لەلایەکی دیکەوە: داوا لە ڕووسیا کراوە ڕوونکردنەوە لە سەر مردنەکەی بدات و کۆتایی بە سەرکووتکاریی و چەوساندنەوەی سیاسیی بهێنێت. 

 

زانیاریی زیاتر: سەرۆکایەتیی وڵاتانی کۆمەڵەی 7 بە شێوازی خول دەبێت، خولی ئەمساڵ ئیتالیا سەرۆکایەتی دەکات.