ئەڵمانیا 111 ملیۆن دۆلار هاوکاری بۆ ئۆکراینا دەنێرێت

ئاڤا نیوز

 

ئانالینا بیربووک، وەزیری دەرەوەی ئەڵمانیا بە سەردانێک گەیشتە وڵاتی مۆلدۆلۆڤا و بەڵێنی ناردنی هاوکاری زیاتری بە ئۆکراینا دا. 

 

لێدوانی فەرمی: ئانالینا بیربوک، وەزیری دەرەوەی ئەڵمانیا ڕایگەیاند: ئەڵمانیا لە زستانی داهاتوودا بە بەهای 100 ملیۆن یۆرۆ (111 ملیۆن دۆلار) هاوکاریی پێشکەش بە ئۆکرانیا دەکات.

 

لەلایەکی دیکەوە: بیربووک، ئاماژەی بەوەدا ڕووسیا بەنیازە "شەڕی زستان بەرپا بکات، بۆ ئەوەی ژیانی خەڵک لە ئۆکرانیا خراپتر بکات. ڕووسیا بەنیازە هێرش بکاتە سەر ژێرخانی وزەی ئۆکراینا، بەتایبەت وێستگەکانی کارەبا"، ئەمەش هەندێکجار دەبێتە هۆی پچڕانی کارەبا لە بەشێکی ئەو وڵاتەدا.

ئەوەش بزانە: ئۆکراینا بەرگریی ئاسمانی زیاتری پێویستە بۆ بنایتنانەوەی ژێرخانی ئابووری، بۆ ئەوەی خزمەتگوزارییەکان لە زستاندا دەستەبەر بکرێت، چونکە بەهۆی دابەزینی پلەکانی گەرما بۆ خوار سفر، خواستێکی زۆر لەسەر وزە دەبێت.