سوودانی بۆ سوپا: ئامادەکاری بۆ کشانەوەی هاوپەیمانیی نێودەوڵەتی بکەن

ئاڤا نیوز

 

فەرماندەی گشتیی هێزە چەکدارەکانی عێراق ڕێنمایی بە سوپا و هێزی بەرگری ئاسمانیی دەدات، ئامادەکاری بکەن بۆ کشانەوەی هاوپەیمانی نێودەوڵەتیی لە عێراق. 

 

وێنە گەورەکە: ئەمڕۆ چوارشەممە، محەممەد شیاع سوودانی سەرۆکوەزیران و فەرماندەی گشتیی هێزە چەکدارەکانی عێراق داوای کردووە، سوپا بە سیستمێکی بەرگری ئاسمانیی پێشکەوتوو پڕچەک بکرێت، ئەمەش وەک ئامادەکارییەک بۆ دوای کشانەوەی هێزەکانی هاوپەیمانی نێودەوڵەتی.

 

ئه‌وه‌ی پێویسته‌ بیزانیت: لیژنەیەکی باڵای سەربازیی لە نێوان عێراق و هاوپەیمانیی نێودەوڵەتی دژ بە داعش بە سەرۆکایەتیی ئەمریکا، بۆ پێداچوونەوە بە ئەرکی سەربازیی هاوپەیمانان پێکهێنراوە و تاوەکو ئێستا چەندین کۆبوونەوەیان کردووە.

 

ئەوەی پێشبینی دەکرێت: بڕیارە ئەم مانگە وەزیری دەرەوەی عێراق سەردانی واشنتن بکات و لە کۆنگرەیەکی ڕۆژنامەوانیدا کۆتاییهاتنی ئەرکی هاوپەیمانێتیی نێودەوڵەتی و کشانەوەی هێزەکانی ئەمریکا لە عێراق ڕابگەیێنێت.