کەتائیبی حیزبوڵڵای عێراق پشتگیری حیزبوڵڵای لوبنان دەکات

 

ئاڤا نیوز

 

 دوای هێرشە ئەلکترۆنییەکەی ئیسرائیل و کوژران و برینداربوونی سەروو سێ هەزار چەکدار، کەتائیبی حیزبوڵڵای عێراق پشتگیری خۆی بۆ حیزبوڵڵای لوبنان بە ناردنی چەک و پشتیوانی مرۆیی دووپات کردەوە. 

 

وێنە گەورەکە: ڕۆژی سێشەممە 17-9-2024 ئیسرائیل هێرشێکی ئەلیکترۆنی کردە سەر بێتەلەکانی ئەندامانی حیزبوڵڵای لوبنان لە جۆری پەیجەر و بەهۆیەوە 12 کەس کوژران و نزیکەی سێ هەزار کەسیش بریندار بوون

 

ڕاگەیێندراوی فەرمی: لە ڕاگەیاندنی کەتائیبی حیزبوڵڵای عێراق هاتووە: " ئێمە لە کەتایبی حیزبوڵڵای عێراق هەموو تواناکانمان دەخەینە دەستی براکانمان لە لوبنان و ئامادەکاری تەواومان هەیە تا کۆتایی لەگەڵیاندا بین و دەتوانین چەکدار و کەرەستەی پشتیوانییان بۆ بنێرین". 

 

باکگراوند: دوای حەوتی ئۆکتۆبەری 2023 و هێرشی حەماس بۆ سەر ئیسرائیل گرژییەکانی نێوان حیزبوڵڵای لوبنان و ئیسرائیل تا دێت زیاتر دەبن و ئەگەری پێکدادانی ڕاستەوخۆی ئەو دوو لایەنە زیاتر بووە.