کەتائیبی سەیدی شوهەدا زیاتر لە 100 هەزار چەکدار دەنێرێتە لوبنان

ئاڤا نیوز

 

سەرکردەی کەتائیبی سەیدی شوهەدا لە نامەیەکدا بۆ بۆ حەسەن نەسروڵڵا بەڵێنی ئەوەی پێدەدات کە 100 هەزار چەکدار بۆ پشتیوانی حیزبوڵڵا بنێرێتە لوبنان تاوەکو لە بەرامبەر ئیسرائیل بوەستنەوە.

 

وێنە گەورەکە: تا دێت ئاگری نێوان ئیسرائیل و حیزبوڵڵای لوبنان تەشەنە دەسەنێت، لەدوای ئەوەی سەرکردەیەکی باڵای حیزبوڵڵای عێراق لە سووریا لە بۆردومانێکدا کرایە ئامانج، کەتائیبی سەیدی شوهەدا لە عێراق ئامادەیی خۆی بۆ ناردنی زیاتر لە 100 هەزار چەکدار دەردەبڕێت تاوەکو لە پاڵ چەکدارانی حیزبوڵڵای لوبنان شەڕ لە دژی ئیسرائیل بکەن. 

 

زانیاریی بەدەستهاتوو: ئەبو ئالای وەلائی، بەرپرسی کەتائیبی سەیدی شوهەدا  لە نامەیەکدا بۆ حەسەن نەسروڵڵا، ئەمینداری گشتیی حیزبوڵڵای لوبنانی ئاماژەی بەوەدا چاوەڕوانی ئاماژەیەکی ئێوەین بۆ ناردنی 100 هەزار چەکدار.

 

ئەوەی ئێستا ڕوو دەدات: لە سێ ڕۆژی ڕابردوودا شەڕی ئیسرائیل و حیزبوڵڵا گەیشتووە لووتکە و هەردوولا بە چڕی یەکتری بۆردوومان دەکەن و بەگوێرەی زانیارییەکانی وەزارەتی تەندروستی لوبنان، لە بۆردوومانێکیدا هەشت کەسی دیکە کوژران و 59ی دیکەش برینداربوون.

 
ئەوەی پێویستە بیزانیت: ئەمڕۆی هەینی، ئیسرائیل ئیبراهیم عەقیل، سەکردەی دیاری حیزبوڵڵای لوبنان کردە ئامانج کە لە دوای فواد شوکر، دووەم فەرماندەی هێزە چەکدارەکانە کە لە هێرشی ئاسمانیدا دەکوژرێت .