پەیامێک لە وتەبێژی حکومەتی هەرێمی کوردستان

ئاڤا نیوز 

 

وتەبێژی حکومەتی هەرێمی کوردستان وەڵامی محەممەد حەلبووسی، سەرۆکی دوورخراوەی پەرلەمانی عێراق لەبارەی پێدانی چەک بە پێشمەرگە دەداتەوە.
 
چیرۆکی سەرەکی: لە ماوەی ڕابردوودا محەممەد حەلبووسی، سەرۆکی دوورخراوەی پەرلەمانی عێراق دژایەتی خۆی بۆ پڕچەککردنی هێزەکانی پێشمەرگە ڕاگەیاند، هاوکات بە مەترسیی لەسەر دۆخی ناوخۆ وەسفیکردن، ئەمەش کاردانەوەی هەرێمی کوردستان و عێراقی بە دوای خۆیدا هێنا.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان ڕایگەیاند: لەبارەی زێدەڕۆییەکانی ئەم دواییانەی محەمەد حەلبوسی لە دژی هەرێمی کوردستان، وەڵامی خەڵکی کوردستان بۆ ناوبراو ئەوەیە: وەفا ئێکجار بە بەهایە، لە کەسێکی هەرزان چاوەڕوان ناکرێت. (الوفاء غالي جدا، فلا تتوقعه من شخص رخيص).

لەلایەکی دیکەوە: وەزارەتی بەرگریی عێراق وەڵامی لێدوانەکەی محەممەد حەلبووسی، سەرۆکی دوورخراوەی پەرلەمانی عێراق لەبارەی پێدانی چەک بە پێشمەرگە دەداتەوە و ڕایگەیاند: "پێشمەرگە هێزێکی نیشتمانییە".

 

باکگراوند: پێشتر پێگەى گۆڤارى "فۆربس"ـى ئەمریکى ئەوەی ڕاگەیاندبوو: 6-8-2024 لە رێورەسمێکدا لە باڵەخانەى وەزارەتى پێشمەرگە لە هەولێر، سوپاى ئەمریکا ژمارەیەک تۆپهاوێژى هاوتەرزى 105 ملیم لە جۆرى ئێم 119 رادەستى هێزى پێشمەرگە کردووە, ئەو تۆپهاوێژانە لە 20-11-2023 گەیشتبوونە بەندەری ئوم قەسر و دوای ساڵێک ئەو چەکانە ڕادەست کراون.