سەرۆكوەزیران مەسرور بارزانی: ئەركی ئێمەیە خزمەتی هاووڵاتی خۆمان بكەین

ئاڤا نیوز

 

لە ڕێوڕەسمێكدا بە ئامادەبوونی سەرۆكوەزیران مەسرور بارزانی، پڕۆژەی دووسایدی شێخان - لالش لە سنووری پارێزگای دهۆک دانرا.

 

وێنە گەورەكە: پڕۆژەی دووسایدی شێخان - لالش بە گوژمەی 28 ملیار جێبەجێ دەكرێت، ماوەی جێبەجێكردنەكە دوو ساڵە و درێژیی ڕێگاكە 12 كیلۆمەترە. پڕۆژەکە گرنگیەکی گەورەی لە ڕووی گەشتیاریی و کشتوکاڵییەوە بۆ دەڤەرەکە دەبێت.

 

لێدوانی فەرمی: سەرۆكوەزیران مەسرور بارزانی، لە گوتارێكیدا لەمیانی ڕێوڕەسمەكە ڕایگەیاند: "لەماوەی ڕابردوو سەردانی پەرستگای لالشمان كرد، خەڵكی دەڤەرەكە داوای ئەم پڕۆژەیان كرد، بەڵێنمدا و سوپاس بۆ خودا ئەمڕۆ بەردی بناغەكەی دادەنرێت.

 

ئەوەش بزانە: سەرۆکوەزیران بارزانی ئاماژەی بە هەوڵە بەردەوامەکانی حکومەتی هەرێم کوردستان کرد  بۆ ئاساییکردنەوەی دۆخی شنگال.

 

زانیاریی زیاتر: هەر لەمیانی سەردانەکەیدا بۆ پاڕێزگای دهۆک، بڕیارە سەرۆکوەزیران مەسرور بارزانی گەورەترین کارگەی ئامادەکردنی ئارد و بەرهەمە گەنمییەکان  و پڕۆژەی گەشتیاریی 'گوندی سپی' لە زاخۆ بکاتەوە.