زێلینیسکی: ڕۆژئاوا ڕەزامەند نییە مووشەکی دوورمەودا دژی ڕووسیا بەکاربهێنین

ئاڤا نیوز

 

ڤۆلۆدیمیر زێلینسکی، سەرۆکی ئۆکرانیا ڕایدەگەیێنێت، تائێستا واشنتن و لەندەن لە ترسی ئاڵۆزنەبوونی زیاتری دۆخەکە ڕەزامەندییان لەسەر بەکارهێنانی مووشەکی دوورمەودا دژ بە ڕووسیا  دەرنەبڕیووە.

 

وێنە گەورەکە: ئۆکرانیا بەردەوام داوا دەکات گڵۆپی سەوزی بۆ بەکارهێنانی مووشەکی دووورمەودا بۆ پێکانی ئامانجەکانی لەناو خاکی ڕووسیا بۆ هەڵبکرێت. بەڵام ڕۆژئاوا بەتایبەت جۆ بایدن، سەرۆکی ئەمریکا ترسی لە کاردانەوەی ڕووسیا هەیە، ئەمەش دوای ئەوەی ڤلادیمێر پووتین سەرۆکی ڕوسیا هۆشداری دا لەوەی بڕیارێکی هاوشێوە بەو مانایە دێت کە "وڵاتانی ناتۆ لە لەدۆخی شەڕدان لەگەڵ ڕووسیا".

 

لێدوانی فەرمی: ڤلۆدیمیر زێلینیسکی، سەرۆکی ئۆکراینا ڕایگەیاند: ئەمریکا و بەریتانیا ڕەزامەند نین مووشەکی دوورمەودا لە لەناو خاکی ڕووسیا بەکاربهێنین، هەر بۆیەش کیێڤ ئەو کارە ناکات، پێموایە ترسیان  هەیە دۆخەکە زیاتر خراپر بێت.

 

لەلایەکی دیکەوە: لە سەرەتای مانگی ئەیلوولەوە هاوکارییە سەربازییەکان بۆ ئۆکڕاینا خێراتر بوون، لە کاتێکدا سوپای ئۆکراینا بەرگرییەکی باش دەکات بۆ خاوکردنەوەی پێشڕەوییەکانی ڕووسیا لە ڕۆژهەڵاتی ئەو وڵاتە.