گرژییەکانی نێوان ئیسرائیل و لوبنان زیاد دەکات

ئاڤا نیوز

 

مەترسیی زیادبوونی گرژییەکانی نێوان ئیسرائیل و حیزبوڵڵا دوای هێرشەکانی هەفتەی ڕابردوو کە لەڕێگەی تەقاندنەوەی پەیجەرەکانەوە ڕوویان دا، زیاتر دەبن. 

 

وێنە گەورەکە: ئیسرائیل دوای هێرشکردنە سەر غەززە و کوشتنی نزیکەی 41 هەزار کەس لەو کەرتە، ئێستا ئاراستەی شەڕەکەی بەرەو لوبنان گۆڕیوە و شەڕی حیزبوڵڵا دەکات. 

 

ڕاگەیێنراوی فەرمی: جەیک سۆڵیڤیان، ڕاوێژکاری ئاسایشی نیشتیمانی ئەمریکا ڕایگەیاند: "لە دوای هێرشەکانی هەفتەی ڕابردوو، مەترسیی زیادبوونی گرژییەکان لە نێوان ئیسرائیل و حیزبوڵڵا ڕوو لە زیادبوونە". 

 

باکگراوند: ڕۆژی هەینی 20-9-2024، ئیسرائیل لە هێرشێکی ئاسمانیدا بۆ سەر باشووری بەیرووت 37 ئەندامی حیزبوڵڵا و سەرکردەیەکی دیاری ئەم گرووپەی بە ناوی ئیبراهیم عەقیل کردە ئامانج.