زۆرینەی دەرچووانی پۆلی 12ی ئامادەیی لە زانكۆ و پەیمانگاكان وەردەگیرێن

ئاڤا نیوز

 

دەرچووانی پۆلی 12ی ئامادەیی دوای پڕکردنەوەی فۆڕمی زانکۆلاین دەتوانن لە زانکۆکانی هەرێمی کوردستان درێژە بە خوێندن بدەن.

 

وێنە گەورەکە: ساڵانە لەگەڵ تەواوکردنی تاقیکردنەوەکانی پۆلی 12ی ئامادەیی، وەزارەتی خوێندنی باڵا و توێژینەوەی زانستی فۆڕمی زانکۆلاین بۆ قوتابیان چالاک دەکەن تاوەکو دەرفەتی خوێندن بۆ زۆرینەی قوتابیان بڕەخسێنێت.

 

ئەوەی پێویستە بیزانیت: لە چوارچێوەی هەوڵەکانی کابینەی نۆیەمی حکومەتی هەرێمی کوردستان، گرنگی تایبەت دراوە بە پڕۆسەی خوێندن لە زانکۆ پەیمانگاکان، هەر لەو میانەیەدا لە ساڵانی ڕابردوودا زۆرترین کورسی خوێندنی بە خۆڕایی لە زانکۆ و پەیمانگاکان بۆ قوتابیانی پۆلی 12 تەرخانکراوە، ئەمساڵیش وەزارەتی خوێندنی باڵا هەوڵیداوە بەپێی پلانێک تەواوی دەرچووان وەربگرێت.