گرووپە چەکدارەکانی عێراق هەڕەشە لەئیسرائیل دەکەن

ئاڤا نیوز

 

ئەمڕۆ دووشەممە 23-9-2024 سەرچاوەیەکی نزیک لە گرووپە چەکدارەکانی عێراق ئاشکرایکرد، بۆ ڕووبەڕووبوونەوەی ئیسرائیل لە سێ ئاستدا لە ئامادەباشیدان.

 

ڕاگه‌یێنراوی فه‌رمی: سەرچاوەکە ئەوەی خستەڕوو، گرووپە چەکدارەکانی عێراق لە سێ ئاستدا  ئامادەباشییان کردووە بۆ ڕووبەڕووبونەوەی ئیسرائیل لە ئەگەری داگیرکردنی لوبنان و سەرجەم ڕێکارەکانی وەڵامدانەوەی ئیسرائیل دەگرنەبەر لە ڕێگەی فڕۆکەی بێفڕۆکەوان و مووشەکی وردبینەوە.

 

زانیاریی زیاتر: سەرچاوەکە ئاماژەی بەوەشکرد، ڕۆژانی داهاتوو چارەنووسساز دەبن بۆ هێزەکانی "مقاوەمە" لە تەواوی ناوچەی ڕۆژهەڵاتی ناوەڕاستدا، هەروەها هێزە  چەکدارەکانی عێراق سوورن لە پاڵپشتیکردنی فەلەستین و لوبنان.

 

ئەمەش بزانە: گرووپە چەکدارەکانی عێراق، ئەمریکا تۆمەتبار دەکات بەوەی بەشدارە لە کۆمەڵکوژییەکانی لوبنان لە ڕێگای پڕچەککردن و پێدانی زانیاریی هەواڵگریی بە ئیسرائیل بۆ داگیرکردنی لوبنان.