بەریتانیا داوا لە هاووڵاتیانی دەکات بەزوویی لوبنان جێبهێڵن

ئاڤا نیوز

 

بە فەرمانی کیەر ستارمەر، سەرۆکوەزیرانی بەریتانیا، شانشینی یەکگرتوو 700 سەربازی گواستەوە قوبرس،  داواش لە هاووڵاتیانی وڵاتەکەی دەکات بەزوویی لوبنان جێبهێڵن، ئەمەش دوای زیادبوونی گرژییەکانی نێوان حیزبوڵڵا و ئیسرائیل.

 

چیرۆکی سەرەکی: کیەر ستارمەر، سەرۆکوەزیرانی بەریتانیا داوا لە هاووڵاتیانی بەریتانیا دەکات دەستبەجێ لوبنان جێبهێڵن، بۆ ئەم مەبەستەش 700 سەربازی بۆ قوبرس گواستەوە تاوەکو لە پڕۆسەی گواستنەوەی هاووڵاتیانی وڵاتەکەی لە لوبنانەوە بۆ وڵاتی سێهەم هاوکاریی بکەن.

 

زانیاریی زیاتر: هێزی ئاسمانی شەهانەیی بەریتانیا فڕۆکە و هێلیکۆپتەرەکانی لە ئامادەباشیدان بۆ هەر ئەگەرێک.

 

ئەمەش بزانە: لەماوەی ڕابردوودا ژمارەیەک وڵاتانی ڕۆژئاوا داوایان لە هاووڵاتیانیان کرد بەزوویی لوبنان جێبهێڵن.

 

زیاتر بزانە: دوێنێ  یەکەم هاووڵاتی عێراقی بەهۆی هێرشی سوپای ئیسرائیل بۆسەر لوبنان کوژرا.