تەقینەوەیەک لە دادگایەکی کالیفۆرنیا ڕوودەدات

ئاڤا نیوز

 

بەپێی هەواڵێکی نووسینگەی شێریفی ناوچەی سانتا باربارا، لە تەقینەوەیەکدا لە هۆڵی دادگای سانتا ماریا لە ویلایەتی کالیفۆرنیا دوو کەس برینداربوون و لە هەمان کاتدا تۆمەتبارێک دەستگیرکرا. 

 

چی ڕوودەدات: لە کاتی دادگاییکردنی تۆمەتبارێک لە دادگایەکی شاری سانتا ماریا، کەسێک هەوڵی ئەوە دەدات هێرش بکاتە سەر دادگاکە. 

 

ڕاگەیێندراوی فەرمی: نووسینگەی شێریف لە پۆستێکدا لە کەناڵی ئێکس ڕایگەیاندووە، "لە دادگای سانتا ماریا تەقینەوەیەک ڕوویداوە، و داوا لە هاوڵاتییانیش دەکات خۆیان لە ناوچەکە بە دوور بگرن، چونکە شوێنەکە پارێزراو نییە". 

 

زانیاریی زیاتر: بەپێی هەواڵێکی نووزهاوک، کە دەزگایەکی هەواڵی ئۆنلاینی ناوخۆییە لە ناوچەی سانتا باربارا، بە پشتبەستن بە گوتەکانی ئەفسەری جێبەجێکار لە دادگای باڵا، دارێل پارکەر، دەڵێت: گومانلێکراوێک لەناو باڵەخانەی دادگاکەدا بووە و جانتایەکی فڕێداوەتە ژووری دادگاکە، دواتر تەقیوەتەوە کە بەو هۆیەوە دوو کەس بریندار بوون، بەڵام برینییان سەخت نییە، تۆمەتبارەکەش دەستبەسەر کراوە.