پۆستەری بەربژێرانی پارتی لە هەڵەبجە دەدڕێندرێن

ئاڤا نیوز

 

چەند کاتژمێر دوای دەستپێکردنی بانگەشەی هەڵبژاردنی پەرلەمانی کوردستان، پۆستەری کاندیدانی پارتی دیموکراتی کوردستان لە پارێزگای هەڵەبجە دەدڕێندرێن.

 

لێدوانی فەرمی: سندوس حوسێن، بەربژێری پارتی لە بازنەی هەڵەبجە بۆ هەڵبژاردنی کوردستان بە ئاڤا نیوزی ڕاگەیاند: ئەمڕۆ دوو کەس بە ئۆتۆمبێلێکی جۆری تۆیۆتا پۆستەرەکانیان دڕاندووە و لێیان کردووەتەوە.

 

بەربژێرەکەی پارتی ئەوەشی گوت: "ژمارەی ئۆتۆمبێلەکە تۆمار کراوە و دراوەتە لایەنی پەیوەندیدار، تاوەکو لێپێچینەوەی یاساییان لەگەڵ بکرێت".

 

لەلایەکی دیکەوە: لە بازنەی هەڵبژاردنی هەڵەبجەدا سێ کورسی پەرلەمانی هەیە، بەربژێر و لایەنەکان ڕکابەری یەکتری دەکەن بۆ بە دەستهێنانی کورسی پەرلەمانی لەو پارێزگایە، هەروەها پارتی لە هەڵەبجە شەش بەربژێری هەیە و هۆشیار حوسێن عوسمان سەرۆکی لیستە و هەروەها دوو بەربژێریان ئافرەتن.