بەرنامەی نان و چای ئاڤا؛ بەیانییەکی نەکراو و نەبینراوی ئاڤا دەستیپێکرد

ئاڤا نیوز 

 

نان و چای ئاڤا بەرنامەیەکی ڕۆژانەی بەیانیانە، جیاواز لە هەموو بەرنامە بەیانیانییەکانی میدیاکانی دیکە ڕۆژانە لەلایەن چوار ئەستێرەی گەنجی ئاڤاوە پێشکەش دەکرێت و باسی بابەتە هەرە گەرمەکان دەکات. 

 

وێنە گەورەکە: بەرنامەی نان و چای ئاڤا ڕۆژی چوارشەممە 25-09-2024 دەستیپێکرد و ڕۆژانە کاتژمێر 08:00ـی بەیانی لەلایەن چوار ئەستێرەی گەنجی ئاڤاوە بە ناوەکانی (کازیا ئایار، ساڤۆ سەردار، دیلان سیروان، سێڤدا ساڵح) پێشکەش دەکرێت. 

 

بۆچی جیاوازە؟ بەرنامەی نان و چای ئاڤا بە بابەتە گەرمەکان دەستپێدەکات و بەپێچەوانەی بەرنامەی بەیانییانی میدیاکانی دیکە کە بە بابەتی سۆفت دەستپێدەکات، چوار گەنجی خوێندەوار شیکردنەوە بۆ بابەتەکان دەکەن. 

 

لێدوانی فەرمی: دارکۆ جەبار، لە بەشی پرۆداکشنی ئاڤا ڕایگەیاند: مەبەستمانە کۆنسێپتێکی نوێ درێژە پێبدەین، وەکو هەموو شتەکانی دیکەمان گۆڕانێکی نوێ لە بەرنامەی بەیانییانی میدیا دەکەین، ئەوە نەما بەرنامەی بەیانیان باسی نەخۆشی و سوودەکانی میوە بێت، ئێمە باس لە دوایین گۆڕانکارییەکانی ناوخۆ و دەرەوە دەکەین و ئەجێندای ڕۆژ دیاری دەکەین. 

 

لەلایەکی دیکەوە: ئەوەشی جیاوازی گەورەیە ئەستێرەکانمان گەنج و کچن و توانایان هەیە شیکاری بۆ دۆخەکە بکەن بەهۆی ئەو باکگراوندە زانیارییانەی هەیانە.