ئەمریکا و فەرەنسا داوای ئاگربەستی نێوان ئیسرائیل و حیزبوڵڵا دەکەن

ئاڤا نیوز 

 

فەرەنسا و ئەمریکا بە هاوبەشی ئەوروپا و وڵاتانی عەرەبی بۆ ئەوەی دۆخەکە لە ژێر کۆنتڕۆڵ دەرنەچێت داوای ئاگربەستی 21 ڕۆژە لە نێوان ئیسرائیل و حزبوڵڵا لە لوبنان دەکەن.

  
وێنە گەورەکە: جۆ بایدن، سەرۆکی ئەمریکا و ئیمانوێل ماکرۆن سەرۆکی فەرەنسا لە بەیاننامەیەکی هاوبەشدا کە دوای کۆبوونەوەکەیان لە پەراوێزی کۆمەڵەی گشتیی نەتەوە یەکگرتووەکان بڵاویانکردەوە: "کاتی ئەوە هاتووە هەنگاوی کرداری بنرێت کە گەرەنتی ئاسایش بکات و هاووڵاتییان لە هەردوو دیوی سنوورەکە بتوانن بە سەلامەتی بگەڕێنەوە بۆ ماڵەکانیان".

 

پەیامی فەرمی: لە ناوەڕۆکی بەیاننامەکەدا هاتووە: لە هەوڵێکدا بۆ دۆزینەوەی ڕێگا چارەسەرێک بۆ دۆخی لوبنان و غەززە، کە شەڕ لە نێوان ئیسرائیل و حەماسدا هەیە، “داوای ئاگربەستی دەستبەجێ دەکەین بۆ ماوەی 21 ڕۆژ لە سنووری لوبنان و ئیسرائیل بۆ ئەوەی ڕێگە بۆ دانوستان بکرێتەوە".

 

زانیاری بەدەستهاتوو: بەیاننامەکە بە پاڵپشتی ئەمریکا، ئوسترالیا، کەنەدا، یەکێتیی ئەوروپا، فەرەنسا، ئەڵمانیا، ئیتاڵیا، ژاپۆن، سعوودیە، ئیمارات و قەتەری هەیە.