عێراق داوا لە هاووڵاتیانی دەکات سەردانی لوبنان نەکەن

ئاڤا نیوز 

 

باڵیۆزخانەی عێراق لە بەیرووت پەیامێک ئاراستەی ئەو عێراقیانە دەکات کە ئارەزووی گەشتکردنیان بۆ ئەو وڵاتە هەیە، هاوکات هێڵێکی گەرمی پەیوەندیکردن تەرخان دەکات بۆ ئەو عێراقیانەی لە لوبنان نیشتەجێن بۆ ئەوەی لە ئەگەری ڕوودانی هەر حاڵەتێکی لەناکاو پەیوەندیان پێوە بکەن.

 

وێنە گەورەکە: ماوەی زیاتر لە هەفتەیەکە سوپای ئیسرائیل دەستی بەهێرشێکی چر بۆ سەر حیزبوڵڵای لوبنان کردووە، تاوەکو ئێستا بە سەدان کەس لەو وڵاتە کوژراون و برینداربوونە، ئەمە جیا لە ئاوارەبوونی دەیان هەزار کەسی دیکە.

 

ڕاگەیێنراوی فەرمی: باڵیۆزخانەی عێراق لە بەیرووت لە ڕاگەیێنراوێکدا: ئاماژەی بە پێشهاتە ئەمنییەکان و پەرەسەندنی تووندوتیژی لە هەندێک ناوچەی لوبنان کردووە و لەوباریەوە ئامۆژگاری هاووڵاتیانی وڵاتەکەی لە لوبنان دەکات "وریایی کاتی مانەوە یان جوڵەیان لەناو لوبنان بن و دوور بکەوتنەوە لەو ناوچانەی کە شایەتحاڵی ئۆپەراسیۆنی سەربازین".

 

زانیاریی زیاتر: باڵیۆزخانەکە داوا لە عێراقییەکانیش دەکات ئەوانەی بەنیازن گەشت بۆ لوبنان بکەن، "بارودۆخی وڵاتەکە لەبەرچاو بگرن و سەردانە ناپێویستەکان دوابخەن تا ئەو کاتەی ئەو دۆخە تێدەپەڕێت".

 

هێڵی گەرمی پەیوەندیکردن لەنێوخۆی لوبنان بۆ هاووڵاتیانی عێراق:

+961 71 515 300
+961 70 799 002