ترەمپ هێرشی تووند دەکاتە سەر زێلینیسکی

ئاڤا نیوز

 

دۆناڵد ترەمپ، بەربژێری کۆمارییەکان بۆ پۆستی سەرۆکایەتیی  ئەمریکا ڕایدەگەیێنێت، ئەمریکا بەردەوامە لە پێدانی ملیارەها دۆلار بە پیاوێک [ ڤلۆدیمێر زێلینیسکی] کە ڕەتیدەکاتەوە ڕێککەوتن بکات.

 

وێنە گەورەکە: دۆناڵد ترەمپ، لەمیانی بانگەشەی هەڵبژاردن لە ویلایەتی کارۆلینای باکوور، هێرشی کردەسەر سەر ڤۆلۆدیمیر زێلینسکی، سەرۆکی ئۆکراینا  و تۆمەتباری دەکات بەوەی هیچ ڕێکەوتنێکی نەکردووە بۆ کۆتاییهێنان بە شەڕی ڕووسیا و ئۆکراینا.

 

لێدوانی فەرمی: دۆناڵد ترەمب لەو کۆبوونەوە جەماوەرییەی لەگەڵ لایەنگرانیدا بۆی ڕێکخرابوو ڕایگەیاند،  'خراپترین ڕێککەوتن ' باشترە لە ئاستی ئێستای مردن و لەناوچوون لە ئۆکراینا.  

 

لەلایەکی دیکەوە: لە میانی چاوپێکەوتنێکی میدیاییدا ترەمپ ئاماژەی بۆ هەبوونی  "پلانێکی زۆر ورد" کرد بۆ چارەسەرکردنی ململانێکانی نێوان ڕووسیا و ئۆکراینا لە ئەگەری هەڵبژاردنەوەی وەک سەرۆک، بەڵام ئامادە نەبوو هیچ وردەکارییەک بخاتە ڕوو.