بەریتانیا ڕووبەڕووی هێرشێکی ئەلیکترۆنی دەبێتەوە

ئاڤا نیوز

 

هێرشێکی ئەلیکترۆنی بەرفراوان کراوەتە سەر تۆڕەکانی وای فای گەورەترین وێستگەکانی شەمەندەفەر لە بەریتانیا.

 

وێنە گەورەکە: سەرنشینانی 20 وێستگەی شەمەندەفەر لە چەند شارێکی بەریتانیا بەنیازبوون ئێوارەی چوارشەممە، بە وای فای گشتی ببەسترێنەوە، ڕووبەڕووی شاشەیەک بوونەتەوە لەسەری نووسرابوو "ئێمە تۆمان خۆش دەوێت ئەوروپا".

 

ڕاگەیێنراوی فەرمی: بەرپرسانی گواستنەوە و پۆلیسی بەریتانیا ڕۆژی پێنجشەممە، ڕایگەیاند: لێکۆڵینەوە لە ڕووداوێکی ئاسایشی ئینتەرنێت دەکەن کە کاریگەریی لەسەر تۆڕی وای فای گشتی لە گەورەترین وێستگەکانی شەمەندەفەر هەبووە.

 

ڕاشیگەیاند، ئینتەرنێتی گشتی لەو وێستگانە پچڕاوە، پۆلیسی بەریتانیا لێکۆڵینەوە لە ڕووداوەکە دەکات.

 

ئەوەش بزانە: ئەو وێستگانەی ڕووبەڕووی ئەم هێرشە ئەلیکترۆنییە بوونەتەوە، لەوانە: پیکادیلی مانچستەر و نیو ستریت بێرمینگهام و 11 تێرمینالی لەندەن.

 

باکگراوند: ئەمە یەکەمین جار نییە لەندەن ڕووبەڕووی هێرشێکی لەمجۆرە ببێتەوە، لە سەرەتای مانگی ئەیلوولدا، هێرشێکی ئەلیکترۆنی سیستمی گواستنەوەی لەندەنی کردووەتە ئامانج و زیانێکی زۆری لێدا.