لە سەنتەری شارەکان دەست بە دابەشکردنی نەوت دەکرێت

ئاڤا نیوز

 

پڕۆسەی دابەشکردنی نەوتی سپی گەیشتە سەنتەری شارەکان و بەشێکی هاووڵاتیان لە سەنتەری شاری هەولێر نەوتی سپییان وەرگرت، هەر خێزانێک 200 لیتر نەوت وەردەگرێت.

 

وێنە گەورەکە: دوو هەفتەیە پڕۆسەی دابەشکردنی نەوتی سپی ماڵان لە ناوچە شاخاوییەکان دەستیپێکردووە، دووەمین ساڵە لەسەریەک حکومەتی هەرێمی کوردستان پێش هاتنی وەرزی سەرما نەوتی سپی دابەش دەکات.

 

ڕاگەیێنراوی فەرمی: وەزارەتی سامانە سرووشتییەکان لە ڕاگەیێنراوێکدا ئاماژە بەوە دەدات، چەند ڕۆژێک دوای دابەشکردنی نەوتی سپی بەسەر ماڵان لە ناوچە شاخاوییەکان، ئەمڕۆ شەممە 28ی 9ی 2024 دابەشکردنی نەوت لە سەنتەری شاری هەولێر دەستیپێکرد.

 

ئەوەی پێویستە بیزانیت: لە پارێزگاکانی هەولێر، سلێمانی، دهۆک و هەڵەبجە 351 هەزار و 521 خێزان لە وەرگرتنی نەوتی سپی بە نرخی پاڵپشتیکراوی حکومەت سوودمەند دەبن، کە هەر 200 لیترێک بە 104 هەزار دینارە.